أحيانا نسمع كلمات من الوهلة الأولي لها تشعر وانها كلمات عنصرية ....
مثل فلان المسيحي .... فلانة المسيحية... و دائما تجدهم يتحدثون عن سلوك معين في أغلب الأحياب بيكون سلبي ... وتشعر بأن ديانتة هذه أو جنسيتة هي سبب لسلوكه ...
مثلا : كنت واقف مع مجموعه من الشباب في العمل وكان أحدهم -وهو اكبر مننا في الاقدمية- يتحدث عن مشرف سابق فقال : المشرف كذا ده كان مسيحي مرة كنت شغال في وقت الراحة وفي وقت العمل كنت جدعان فروحت أكل لقيتة بيزعقلي أوي المشرف المسيحي ده الي بقولك عليه ، بس بصراحة في موقف تاني منسالهوش خالص مه المشرف المسيحي ده الى بكلمك عنه وهو انا كنت مخلص الاجازات الى عندي في الشغل وكان عندي امتحان ( كان بيكمل تعليمه ) وجيت الشغل وانا متضايق ومهموم جدا و بعدين هو لاحظ المشرف المسيحي ده وسالني مالك فقولتله كذا كذا قالي خلاص متشغلش بالك انا هطلعك تمتحن في ميعادك .
المشكله هنا مش عشان المشرف ده كان كويس ولا وحش ولا كان تصرفة كويس ولا لا .
ولا حتي في المتحدث ... لا أبدا المشكله في كلمة مسيحي دي من الكلام تشعر - وإن كان لا يقصد - وأن مسيحيته هي سبب أساسي في تصرفاته
من الطبيعي جدا ان الدين يأثر علي السلوك بشكل جيد .... لكن ليس كل سلوك هو سببه الدين أحياننا يكون مخالف للدين ... وقد يتفق هذا الاختلاف معنا وقد يعترض
مثل موقف خروجه من العمل هنا ... قد يكون بطريقة شرعية فيكون متفق مع الدين
وان يكون بطريقة شرعية فلا يتفق مع الدين لكن في كلا الحالتين في نظر البعض يرونه أن شئ من الجدعنة أن يخرجة حتي لو كان بطريقة غير شرعية ....
موقف تاني حصل بردوا كان في شاب حصل في مصلحة حكومية بيخلص ورق للبطاقة وصادف موظفة مسيحية تعمل في التصوير و الصورة كان طلعة بيظه حبتين ... لما جيه يحكلنا الموقف هناك البت الموظفة كانت مسيحية المهم ايه انا اول ماقاعدت راحت مصوره ......
المشكله هنا مش في الموقف او التصرف لان وارد اي انسان ممكن انه يتصرف سلوك شئ أو جيد مهما كان دينة ومهما كان دينة يأمره بالعاكس ....
انا هنا مش عاوز ادافع عن دين معين ولا عن سلوك معين ولا عن أشخاص معينين انا بس عاوز اعرف هل مسيحية دي هنا سبب أم صفة ؟؟؟
وهل معقول تكون سبب و أحياننا يتصرف المرء بما يخالف دينه ؟
وهل لو كانت صفة فما اللازم لتواجدها في الكلام لنعتبره أي انسان عادي .. متهيألي لو شلنا كلمة مسيحي ومسلم من كلامنا كلامنا هيتفق بردوا ومش هيكون في مشكلة
الا في الحلات الي لازم استخدم فيها الكلمات دي :)
وع فكرة أبطال المواقف دي ان جميعهم شخصيات بحترمهم جدا وبحبهم جدا لكن الموقف بس يسبب نوع من الحساسية ....
اطلب من اللة أن ينشر المحبة والسلام في مصر والعالم كلة وليظل دائما الهلال يحتضن الصليب
المشاركات
ليست هناك تعليقات:
إرسال تعليق