درسي من خطئ

ممممممممم هدون النهارده بالعاميه كفايا فصحى شويه :D

وكمان عشان أعرفكوا انى كمان بعرف اكتب عاميه

وكمان علشان متبقاش المدونه ملتقى فكري للمثقفين ومطلع للبتوع - تلك الجمله الملغمه بالكلمات الاوفر نيهاهاهاها :D -

-  طيب طيب نبدأ بقى ايه الدرس الى اتعلمته من غلطتك يا فيلسوف

- موقف حصل كده لمده كام ثانيه بس أتعلمت منه درس كبير جدا وحاجات عميقه جدا

- طب متقول يا عم اوووووووووووف

- طيب انا كنت واقف مع ولد واخته الولد كده ممممممممممم شكله فى اولى اعدادي كده واخته ادي تقريبا - انا عندي 19 سنه - بس تحس انها صغيره لسا فى تالته اعدادي برضه ...المهم الولد ده كان عنده عيب فى الكلام .. تحس انه اخنف فى الكلام .. وانا بدون وعى كنت برد عليه بخنف بردو .....تلقائي ..مكنتش اقصد اتريق عليه بس فعلا العيب ده كان بيشدنى جدا وبيخلينى بدون وعى اعمل كده...

- طيب رد الفعل للولد كان ايه

- ممممممم مش عارف بس متهيألى انه مكنش اخد باله او مكنش مهتم او مكنش عامل رد فعل من الاصل

- طيب ورد فعل اخته

الموضوع ده حصل ابل كده مرتين تلاته بس مكنتش اخته معانا بنفس رد الفعل ليه برده بس فى الموقف ده بزالت كانت اخته معانا فقالتلى بردو بتلقائيه " متتريقش ع اخويا "

احداث حصلت بتلقائيه وبسرعه شديده ..

- طيب والموقف انتهى ع ايه

- انا طبعا حسيت لما قالتلى كده ببشاعه غلطتى وانى كنت بطعن فى الولد ده بردي الاخنف ويمكن كنت بطعنه بسكين او بسببله جرح كبير  وحاولت قوام انى اغير الموضوع مممم اعمل اي حاجه المهم اتلهينا فى حاجات تانيه

- طيب ده الموقف ووعرفنا انت غلطت فى ايه فين بقى الدرس ,, أوعى تقولى انك متتريقش ع اي حد

- لالا انا عرفت اكتر من كده واتعلمت اكتر من كده

عرفت ان لو حد اتريق عليا مش بيكون قصد شماته او كره ليا ..هو مجرد بس ان العيب الى فيا اثاره فبيتريق او بيعلق عليه بدون وعى ... يعنى هو ميقصدش اي تجريح فيا :D

عرفت كمان انى احاول اراعى مشاعر الكل حتى لو كان الولد ده سنه صغير ماهو اكيد برضه عنده مشاعر

وده الدرس الى كان فى موقف الكشاف وللاسف متعلمتهوش لسا

- عندك اقوالك تانيه ؟؟!

- لالا خلص الكلام
وانتهت التدوينه المرادي
 وعاوز اقول

تحياتى :)