مقدمه لكن مهمه
النهارده ، اليوم الـ30 من بعد الثوره ، ثوره 25 يناير
ثوره المصريين ، الثوره التي يفتخر بها كل مصري وانا أولهم .
الثوره اللي كان في ناس كتير مقلقين منها وبصراحه ، انا أولهم .
لكن كونها سلميه ، وكونها فعاله وحققت مطالب كتير , أكيد لازم نفتخر بيها .
بنشكركوا يا شباب 25 يناير ،وبنشكر قبليكوا ربنا اللي رتب الخير وحفظ السلام في مصر ودي مقدمه لكن مهمه .
رأيي بطريقه سلميه
في مجموعه أسئله في المجتمع محيره الناس حبيت أقول رأيي فيها ، أصل الثوره عملتني أني أقول رأيي ... بطريقه سلميه .
وهو في أسلم ولا أهدي من المدونه البسيطه دي
أهوه ربنا يرزقنا بواحد معدي ولا حاجه يلقيها يقراها ، وصدقني لو قرتها ومش عجباك الأراء اللي فيها .
أنصرف بهدوء ، أو عبر برأيك بردوا وماله بس بنفس الطرق السلميه .
نخش في الموضوع .
هي مصر قبطيه ؟ ولا إسلاميه ؟
سؤال ليه إجبتين
شويه مصريين مسيحيين متعصبين يقولك مصر قبطيه وانتم أحتلتونا ودخلتوا علينا بالسيف ، يعني أنتوا ضيوف ... وإطلعوا بره ...
وشويه تانيين مصريين مسلمين متعصبين بردوا يقولك : ياعم لا ده احنا ناس كويسين بس أحنا الأغلابيه وده يدينا الأحقيه أنها تكون إسلاميه
هي يا جدعان مش مصر كانت في الأول فرعونيه
وبعد كده أصبحت قبطيه
ومن فتره العزو كده قلبت إسلاميه
حان الوقت أنها تكون مدنيه !
ايه مدنيه دي يعني هنكفر ولا ايه ، يعني نبقي من غير دين ؟
لا ياعم أعوز بالله مين قال كده بس
بس مدنيه يعني عداله إجتماعيه
مين فينا يا جماعه أبل كده مدقش مراره الظلم ؟!!
إحساس سئ جدا حقيقي .... :(
مش أحنا دلوقتي عايشين في مصر مسيحيين ومسلمين من زمان بناكل مع بعض وبنشرب مع بعض وكل الكلام الجميل ده ، والحقيقي فعلا ؟
مين فينا معندهوش صاحب مسيحي ولا مسلم بيسألوا علي بعض وبيحبوا بعض فعلا .
ومين فينا ميعرفش عمل ممتاز قام بيه مصري لمصري مختلفين الديانه ؟
طيب مش أنت كمسلم من حقق تمارس عبادتك بسلام وبحريه
ومش أنت يا مسيحي من حقق تمارس عبادتك بسلام وبحريه
طيب كده ولا مسيحييه ولا إسلاميه
يبقي أسمها مدنيه
ولا قبطيه ولا إسلاميه
مدنيه يعني عباده بحريه ، تدي للمصري المسيحي حقه وللمصري المسلم حقه
وده صدقوني هيبيد أي أحتقان وأي جماعات متعصبه من أي جانب
وإن كان واحد فينا لسا بيقول مصر إسلاميه أو قبطيه
يبقي نقوله أحنا لينا في البلد دي زي مانت ليك
وأعتقد الأغلبيه اي كانت مش بيحبوا يظلموا حد ..
عارفين ... البلد من قبل كده كانت فريقين ملهمش تالت
واحد يقول قبطيه والتاني إسلاميه
كان نادرا ميكون في وجود حقيقي لفريق ثالث ينادي بالعدل
وده كان سبب في وجود مناخ يساعد علي أنتشار جماعات قبطيه وإسلاميه متشدده
دورنا
لكن دورنا دلوقتي بعد الثوره ظهر
لازم أعامل المصريين علي أنهم مصريين وليس بديانتهم
دوري أني أحب كل المصريين فعلا ،
أقدم أنا الحب أولا لكل المصريين
أقدم أنا الحب أولا لكل المصريين
أقدم أنا الحب أولا لكل المصريين
أقدم أنا الحب أولا لكل المصريين
أقدم أنا الحب أولا لكل المصريين
أقدم أنا الحب أولا لكل المصريين
أقدم أنا الحب أولا لكل المصريين
أقدم أنا الحب أولا لكل الناس ... صدقوني صدقوني وبصدق هتنتهي الحروب والمجاعات وكل حاجه وحشه في العالم كله
نظره إيجابيه ... ليس مستحيله
المشاركات
